ماحول کے تحفظ‘فطرت سے محبت کیلئے شعوربیداری ضروری

 

بالی ووڈاسٹارسنجے دت نے آج ماحول کے تحفظ اور فطرت سے محبت کے لئے عوام میں شعور بیدار کرنے کی ضرورت پر زوردیا اورکہاکہ شجرکاری ‘ہرایک کے لائف اسٹائل کا حصہ ہونا چاہئے ۔ ٹی آرایس کے ایم پی سنتوش کمار کی سالگرہ کے موقع پرمنعقدہ گرین انڈیا چیلنج پروگرام سے خطاب کرتے ہوئے بالی ووڈ ہیر وسنجے دت نے یہ بات کہی۔ انہوںنے کہاکہ ماحول کے تحفظ ‘فطرتی ماحول سے پیار کرنے کے جذبہ کوفروغ دینا چاہئے ۔ انہوں نے کہاکہ پیڑپودوںسے پیار کرنے اورقدرتی ماحول کے تحفظ کے لئے عوام میں بیداری لانا وقت کاتقاضہ ہے اور یہ بہت بڑا چیلنج بھی ہے ۔ جنگلات کاتحفظ کرتے ہوئے ہم قدرتی ماحول کودرپیش خطرات کامقابلہ کرسکتے ہیں۔ سنجے دت نے کہاکہ بڑے پیمانے پر سبزہ کوفروغ دینے اور پودے لگاناچاہئے تب ہی ماحولیات کاتحفظ ممکن ہوپائے گا ۔ سنجے دت نے ایم پی سنتوش کمار کوسالگرہ کی مبارکباددی ۔انہوں نے اس موقع پرگرین چیلنج کے حصہ کے طورپر شلپارامم میںایم پی کمار کے ساتھ پودے بھی لگائے ۔گرین چیلنج انڈیا کے بارے میں بالی ووڈ اسٹارنے کہاکہ وہ قبل ازیں سنتوش کمار کے گرین چیلنج انڈیا کے بارے میں بہت کچھ سن چکے ہیںیہ ایک اہم وبڑا اور آئیڈئل پروگرام ہے جس کے ذریعہ ملک بھر میں سبزہ اورجنگلات کے فروغ کے بارے میں شعور بیدار کیاجارہا ہے ۔ انہوںنے کہاکہ ایم پی سنتوش کمار کی سالگرہ کے موقع پر پودیلگاتے ہوئے وہ اپنے آپ کو خوش قسمت سمجھتے ہیں۔ انہوںنے عوام پرزوردیا کہ وہ ماحولیات کے تحفظ کے لئے اس طرح کا قدم اٹھائیں۔ سنتوش کمارایم پی نے ان تمام افراد سے اظہار تشکرکیا جنہوںنے پودے لگائے ہیں۔ انہوںنے کہاکہ کم ازکم 3 افراد کوپودے لگانے کی ترغیب دیناچاہئے ۔